(რეზონანსი) ესპანეთის ქალაქ ლა-რინკონადაში ატრაქციონის მწყობრიდან გამოსვლის შედეგად 28 ადამიანი, მათ შორის 5 ბავშვი დაშავდა. ამის შესახებ გამოცემა Diario de Sevilla წერს.

ინციდენტი ადგილობრივი დროით 02:00 საათზე მოხდა. 9 დაშავებული ადგილობრივი საავადმყოფოებში გადაიყვანეს, ერთ-ერთი მათგანი, 13 წლის გოგო მძიმე მდგომარეობაში იმყოფება. კიდევ 4 მოზარდის სიცოხლეს საფრთხე არ ემუქრება.

ატრაქციონის მწყობრიდან გამოსვლის მიზეზი და მომხდარის სხვა დეტალები ამ ეტაპზე უცნობია.