თბილისის სახელმწიფო უნივერსიტეტის წინ აქცია სახელწოდებით „არა რუსეთს (სტუდენტები)“ იწყება. სტუდენტებმა მშვიდობიანი აქცია 18:00 საათზე დააანონსეს თსუ-ის პირველი კორპუსის ეზოში, სადაც ამჟამად სტუდენტები იკრიბებიან. 

როგორც „რეზონანსისთვის“ გახდა ცნობილი, უნივერსიტეტის და მიმდებარე ტერიტორიაზე საპატრულო სამსახურის არცერთი ეკიპაჟი არაა განლაგებული. აქციაზე ჯერჯერობით არც ერთი პოლიტიკოსი არ მისულა. არ გამოსულა არც უნივერსიტეტის რექტორი გიორგი შარვაშიძე.