არც მოთხოვნების გადაკეთებას ვაპირებთ, არც რამის დამატებას და არც რამის გამოკლებას. არავითარი ვადამდელი არჩევნების მოთხოვნა ჩვენი მხრიდან არ იქნება“, – ამის შესახებ პარლამენტთან მიმდინარე აქციების ერთ-ერთმა ორგანიზატორმა შოთა დიღმელაშვილმა განაცხადა. მისი თქმით, ისინი თავად გადაწყვეტენ, თუ რა მოთხოვნებს წაუყენებენ მთავრობას.

„კონკრეტული მოთხოვნით დავიწყეთ ყველაფერი და ამ კონკრეტული მოთხოვნის დაკმაყოფილებისთანავე დასრულდება ყველაფერი. ჩვენ 5 დღეში მოვახერხეთ ის, რაც ვერ მოახერხეს ამ პოლიტიკოსებმა დიდი ხნის განმავლობაში. ჩვენ თვითონ გადავწყვეტთ, რა მოთხოვნები დავაყენოთ და რა არა. შეგიძლიათ, გადასცეთ ექსპრეზიდენტს“, – განაცხადა აქციის ორგანიზატორმა „პალიტრანიუსის“ ეთერში .

სააკაშვილმა აქციის მონაწილეებს ვადამდელი საპარლამენტო არჩევნების მოთხოვნის წამოყენებისკენ მოუწოდა.