საოპერო მოღერალ ანიტა რაჭველიშვილის საქციელმა, არც მეტი არც ნაკლები, რუსეთის პროპაგანდისტული მანქანის ერთ-ერთი მთავარი ფიგურა გააღიზიანა. საუბარია მარგარიტა სიმონიანზე, რომელიც ინგლისურნოვან ტელეარხ RT-ისა და საერთაშორისო სააგენტო Rossiya Segodnya-ს მთავარი რედაქტორია. ორივე ეს მედია-საშუალება კრემლის მიერ ფინანსდება.

"კიდევ ერთმა ქართველმა მომღერალმა, ვინმე ანიტამ, ბოდიში მოუხადა თანამოქალაქეებს იმის გამო, რომ როდესღაც რუსეთში გამოდიოდა. მე ასეთი კითხვა მაქვს თანამოქალაქეებისადმი - ნუთუ ვინმეს მართლა უნდა დასვენება იმ ქვეყანაში, სადაც არტისტები იძულებულნი არიან ბოდიში იხადონ იმის გამო, რომ ჩვენთან შეხებით ერთგვარად გაისვარნენ?" - კითხულობს ტვიტერში მარგარიტა სიმონიანი.

"კი მაგრამ, არ გააჩნიათ რუსებს ლოზუნგი - "პატივი ეცი საკუთარ თავს"? კიდევ ცოტა და მეც კი რუს ნაციონალისტად გადავიქცევი," - წერს სიმონიანი. 

აღსანიშნავია, რომ სიმონიანს, რომელსაც ტვიტერზე 560 000 ხელმომწერი ჰყავს, მათი უმრავლესობა არ დაეთანხმა.

"მთელი ეს ქართული სიძულვილი ჩვენკენ კი არა, თქვენკენ, პუტინის მწ***-ების წინააღმდეგაა მიმრთული," - წერს ხელმომწერი ნიკით "ბორმენტალი".

"არადა ბევრს აქ, რუსეთში იმის უფრო რცხვენია, რომ პუტინის სახელმწიფოში ცხოვრობს," - წერს კიდევ ერთი ხელმომწერი.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე