(რეზონანსი) სირიაში რუსული ავიაიერიშების შედეგად, ბოლო ორ თვეში 544 მშვიდობიანი მოქალაქე დაიღუპა, ხოლო 2000-ზე მეტი ადამიანი დაშავდა. ამის შესახებ „როიტერსის" ცნობით, უფლებადამცველები აცხადებენ.

რუსულმა ავიაგამანადგურებლებმა სირიის ჩრდილო-დასავლეთ რეგიონში იერიშები 26 აპრილს დაიწყეს, ისინი სირიის არმიას იდლიბის პროვინციაში ამბოხებულების წინააღმდეგ ბრძოლაში ეხმარებიან. უფლებადამცველების თქმით, დაღუპულთა შორის 130 ბავშვია.

„რუსული სამხედრო ტექნიკა და მისი მოკავშირე სირიის არმია განზრახ იღებენ სამიზნეში მშვიდობიან მოქალაქეებს, ასევე, ბომბავენ სამედიცინო დაწესებულებებს", - განაცხადა ადამიანის უფლებათა დაცვის სირიის ქსელის ხელმძღვანელმა.

თავად რუსული მხარე და სირიის არმია აღნიშნულ ბრალდებებს უარყოფენ.