ხობის მუნიციპალიტეტის სოფელ ქვემო ქვალონის საბავშვო ბაღის შენობაში 60 წლამდე მამაკაცი იპოვეს, რომელსაც არსებული ინფორმაციით, სხვადასხვა სახის დაზიანება აღენიშნება.

მამაკაცი სასწრაფო-სამედიცინო დახმარების ჯგუფმა ზუგდიდის რეფერალურ საავადმყოფოში გადაიყვანა.

„ადგილობრივმა იპოვა ბაღის შენობაში მამაკაცი, რომელიც იატაკზე ეგდო. როგორც ამბობენ, თავი ჰქონდა შესიებული და ყურებიდან სისხლი სდიოდა, მოტეხილობაც აქვსო. დეტალები არ ვიცი. ის ახლა ზუგდიდის რეფერალურ საავადმყოფოშია მოთავსებული და ოპერაცია უტარდება," - განსცხადა ცოტნე დადიანმა.

ადგილზე მობილიზებული იყო პოლიცია.

წყარო: ინტერპრესნიუსი