(რეზონანსი) ზოგადი უნარების გამოცდის შედეგები გამოქვეყნდა. წელს უნარებში უმაღლესი შეფასება - 80 ქულა არ დაფიქსირებულა. 79 ქულა კი ორმა აბიტურიენტმა მოიპოვა.

გამოქვეყნებული შედგებით ცნობილი გახდა, რომ ყველაზე მაღალი შეფასება მიიღო ნუცა ცირეკიძემ, რომელმაც ქუთაისის #9 საჯარო სკოლა დაამთავრა.

როგორც ნუცამ „პრაიმტაიმს" უთხრა, ის აბარებს ბიოქიმიის ფაკულტეტზე, სან-დიეგოს უნივერსიტეტში.

„უნარების გამოცდა საკმაოდ რთული მომეჩვენა საერთო ჯამში და ნამდვილად გამიხარდა შედეგი", - ამბობს ნუცა.

ასევე, 79 ქულა მიიღო ანუკი გოცაძემ, რომელიც კერძო სკოლა „ქართული სასწავლებლში" სწავლობდა.