(რეზონანსი) მიკროავტობუსით მგზავრობა ოზურგეთიდან თბილისის მიმართულებით 15 ლარის ნაცვლად დღეიდან 20 ლარი ღირს. ასევე, გაძვირდა მგზავრობა ქუთაისამდე და 5 ლარის ნაცვლად 7 ლარის ღირს.

როგორც ოზურგეთის ავტოსადგურში ამბობენ, ფასების მატება ლარის კურსის ცვლილებამ გამოიწვია:

„ვცდილობდით საფასური არ გაგვეზარდა, ალბათ, ათი წელია ეს ტარიფი გვქონდა, მაგრამ ბოლოს ძალიან გაძვირდა საწვავი, რაც ლარის კურსის დაცემამ გამოიწვია. ჯერჯერობით თბილისის და ქუთაისის მიმართულებით მოხდა ცვლილება. ბათუმი იგივე რჩება - 5 ლარი, ხვალ არც მაგას გამოვრიცხავთ".