(რეზონანსი) აშშ-ს პრეზიდენტმა, დონალდ ტრამპმა თეთრ სახლში გამართულ ბრიფინგზე თქვა, რომ სიძულვილით მოტივირებულ დანაშაულზე და მასობრივ მკვლელობაზე სიკვდილით დასჯა უნდა დაწესდეს.

ტრამპმა თქვა ისიც, რომ სიკვდილით დასჯა ასეთ შემთხვევებში უნდა განხორციელდეს „სწრაფად, გადაწყვეტილად, ყოველგვარი გადადების გარეშე".

ელ პასოში მომხდარ ტრაგედიას ფედერალური მთავრობა ადგილობრივ ტერორიზმად მოიხსენიებს.

აშშ-ში, ტეხასის ქალაქ ელ პასოში სროლის შედეგად 20 ადამიანი დაიღუპა და 26 დაშავდა. საქმეზე უკვე დაკავებულია 21 წლის კაცი, რომელიც პოლიციის ცნობით, დალასის მკვიდრია.