დეპუტატი ბიძინა გეგიძე სუსში დაკითხვაზე დაიბარეს. ამის შესახებ ინფორმაცია გეგიძემ გუშინ თავად გაავრცელა. „პრაიმტაიმმა“ ინფორმაცია სახელმწიფო უსაფრთხოების სამსახურში გადაამოწმა, სადაც განაცხადეს:

„ანტიკორუფციულ სააგენტოში 2018 წლის 2 აგვისტოდან მიმდინარეობს     გამოძიება, რომლის  ფარგლებში ბიძინა გეგიძე მოწმის სახით გამოკითხვის მიზნით დაბარებულია ანტიკორუფციულ სააგენტოში 2019 წლის 19 აგვისტოს 11 საათზე.

აღნიშნულ საქმესთან დაკავშირებით ბიძინა გეგიძეს უწყება თავდაპირველად გაეგზვანა და ჩაბარდა 3 მაისს,  თუმცა მისი გამოკითხვა ვერ მოხერხდა, მეორედ მას უწყება 17 აგვისტოს ჩაბარდა. აღნიშნული გამოძიება მის წინა სამსახურებრივ საქმიანობას უკავშირდება“.