(რეზონანსი) „უტიფრად ბედავს აქეთ დაამუნათოს ხალხი მის ღრეობაზე რომ არ მივიდა არავინ“,- გიგი უგულავა კონსტიტუციის დღესთან დაკავშირებით საქართველოს პრეზიდენტის, სალომე ზურაბიშვილის განცხადებას ეხმაურება:

„როცა კონსტიტუციის ყველა ნორმას არღვევს შენი დამსმელი, მაგ ფარისევლობაში მონაწილეობა კონსტიტუციის ფეხქვეშ გათელვაა. ეს სუბიექტი მაინც განსაკუთრებული უმსგავსოება გამოდგა. უტიფარი-ბედავს აქეთ დაამუნათოს ხალხი მის ღრეობაზე რომ არ მივიდა არავინ. სახარებიდან ერთ რჩევას მოგცემდით - გააღეთ სასახლის კარი და ყველა გამვლელი მოიწვიეთ, მაგრამ არც მაშინ მოვა ვინმე, რადგან თქვენთან ერთად ღვინო ძმარია და პური საწამლავი“- წერს უგულავა სოციალურ ქსელში.

შეგახსენებთ, კონსტიტუციის მიღების დღესთან დაკავშირებით გამართულ საზეიმო მიღებაზე პრეზიდენტმა სიტყვით გამოსვლისას სამწუხარო უწოდა იმ ფაქტს, რომ ღონისძიებაზე მიწვეული სტუმრებიდან ყველა არ მივიდა.