(რეზონანსი) ხაშურის მუნიციპალიტეტის სოფელ ჩორჩანაში ქართული მხარისა და საოკუპაციო რეჟიმის წარმომადგენლების შეხვედრა გაიმართება.

შეხვედრაში მონაწილეობას მიიღებენ ეუთო-სა და ევროკავშირის წარმომადგენლები, რომლებიც ერგნეთის შეხვედრებშიც მონაწილეობენ.

ადგილზე ამ დროისთვის ვითარება სტაბილურია.

სოფელ ჩორჩანაში იმყოფებიან შსს-ს, სახელმწიფო უსაფრთხოების სამსახურისა და საგარეო საქმეთა სამინისტროს წარმომადგენლები.

ოკუპირებული ცხინვალის დე ფაქტო რეჟიმმა ქართული პოსტის გაუქმება მოითხოვა. ულტიმატუმის ვადა კი 30 აგვისტოს, 06:00 საათაზე ამოიწურა.