საქართველოში უამინდობა გრძელდება და მინიმუმ 2 დღე კიდევ გასტანს. შედარებით უკეთესი ამინდი მხოლოდ ხუთშაბათიდან იქნება, ხოლო საბოლოოდ კვირის ბოლოს გამოიდარებს. დღეს კი ბოლო დღეების ყველაზე დაბალი ტემპერატურა დაფიქსირდება.

10-12 სექტემბერს საქართველოს ზოგიერთ რაიონში მოსალოდნელია ხანმოკლე წვიმა და ელჭექი, 13-15 სექტემბერს კი უმეტესად უნალექო ამინდი იქნება. ჰაერის ტემპერატურა დასავლეთ საქართველოს დაბლობში +25, +30, ხოლო აღმოსავლეთ საქართველოს ბარში +19, +24 გრადუსი დაფიქსირდება.

თბილისში 10-11 სექტემბერს წვიმა იქნება და ტემპერატურა +19, +21 გრადუსს არ გადააჭარბებს, ხოლო 12-15 სექტემბერს უმეტესად უნალექო ამინდია მოსალოდნელი. ჰაერის ტემპერატურა +20, +22 გრადუსი იქნება.