მთავრობა ჯარიმების რეპრესიულ პოლიტიკას აგრძელებს. მოსახლეობისა და ბიზნესისთვის დაწესებული ჯარიმებისა და საურავების მოცულობა წლიდან წლამდე იზრდება, ხოლო ბიზნესისა და მოსახლეობის მდგომარეობა კიდევ უფრო უარესდება. ფაქტობრივად, ხელისუფლებისთვის ჯარიმები ერთადერთი მიმართულებაა, სადაც გეგმა გადაჭარბებით სრულდება. ბოლო წლებიოს სტატისტიკაც ამაზე მეტყველებს. ზრდის ტემპი იმდენად სწრაფია, რომ წლის ბოლომდე ამ ტიპის შემოსავალმა, შესაძლოა, 100 მლნ ლარს გადააჭარბოს.