(რეზონანსი)„სესხების ჩამოწერის პროგრამა იყო თავს მოხვეული და არასასრულ პირობებზე ბანკებს დათანხმება აიძულეს", - ამის შესახებ მოძრაობა „ლელოს" დამფუძნებელმა მამუკა ხაზარაძემ ილაპარაკა.

მისი თქმით, საქმეს აგვარებდნენ პირდაპირ ფინანსთა მინისტრის კაბინეტში, სადაც ხდებოდა ბანკების წარმომადგენლებზე ზეწოლა. „როდესაც 120 მილიონს ცვლი დაახლოებით 3 მილიონში და პრაქტიკულად გაიძულებენ შეღავათს აკეთებს ბანკი და არა ფონდი", - ამბობს ხაზარაძე.

„ლელოს" დამფუძნებელმა „მთავარ არხთან" განაცხადა, რომ სესხების განულების პროგრამა ბანკებისთვის კომერციული თვალსაზრისით არასახარბიელო იყო და მათ მიზერულ ფასად მოუწიათ პრობლემური პორტფელის დათმობა ქართუ ფონდის სასარგებლოდ.