საპარლამენტო არჩევნებამდე ერთი წლით ადრე, „ქართული ოცნება - დემოკრატიული საქართველოს“ ლიდერი ბიძინა ივანიშვილი რეგიონებში პარტიის რეგიონალურ ორგანიზაციების წარმომადგენლებს ხვდება. ანალიტიკოსები მიიჩნევენ, რომ ეს 2018 წლის საპრეზიდენტო არჩევნების შემდეგ დაწყებული პროცესების ლოგიკური გაგრძელებაა, რომელიც მოიცავდა ჯერ პარტიის მმართველი ახალი ბირთვის და შემდეგ ახალი მთავრობის ფორმირებას. ახლა კი, სავარაუდოდ, „ოცნება“ რეგიონალურ სტრუქტურებში იწყებს წმენდას.