(რეზონანსი) ინციდენტი მოხდა ახმეტის მუნიციპალიტეტის სოფელ მატანში, შოთა ჭიჭიაშვილის გასვენებაში. ადგილზე, სადაც ოჯახის სტუმრები იმყოფებოდნენ, სავარაუდოდ, ახმეტაში მცხოვრები ქალბატონი შეიჭრა.

ადგილობრივებთან სიტყვიერი დაპირისპირების შემდეგ, ქალმა საკუთარი ავტომანქანით, იქ მყოფი ორი პირი დააზიანა.

დაშავებულები ახმეტის საავადმყოფოში არიან გადაყვანილები, ხოლო ქალბატონი დაკავებულია.

შოთა ჭიჭიაშვილის ბიძის, ელდარ ჭიჭიაშვილის ინფორმაციით, ქალის ვინაობა მათთვის ცნობილი არ არის.