იაპონიაში ტაიფუნმა „ჰაგიბისმა“ 10 ადამიანის სიცოცხლე იმსხვერპლა. „როიტერის“ ინფორმაციით, 16 ადამიანი უგზო-უკვლოდაა დაკარგული, 126-მა კი სტიქიის შედეგად სხვადასხვა დაზიანება მიიღო.

გარდაცვლილი ადამიანები ჩიბას, გუნმას, კანაგავასა და ფუკუშიმას პრეფექტურებიდან არიან. რთული სიტუაცია ნაგანოს პრეფექტურაში შეიქმნა, სადაც მდინარე სინანო ადიდდა და მიმდებარე ტერიტორია დატბორა.

ქვეყანაში 425 000 ოჯახი ელექტროენეტგიის გარეშეა დარჩენილი.

იაპონიის პრემიერმა სინძო აბემ მთავრობის საგანგებო სხდომა გამართა და შესაბამის სამინისტროებს სტიქიის შედეგების აღმოფხვრის კუთხით აუცილებელი ზომების გატარება დაავალა.

ხელისუფლებამ 6 მილიონი ადამიანის ევაკუირების რეკომენდაცია გასცა.