დეკანოზი პეტრე (კვარაცხელია) facebook-ის პირად გვერდზე ხშირად აქვეყნებს ოჯახის წევრების ფოტოებს. ყველაზე მეტ აჟიოტაჟს მისი ქალიშვილის ფოტოები იწვევს.
ამჯერად, მარიამის ახალი სტილი გახდა კრიტიკის ობიექტი, რასაც დეკანოზი სოციალურ ქსელშივე პასუხობს.
"რა მოხდა, თურმე!.. მარიმ თმები თეთრად შეიღება, მამა პეტრე რა ცუდი ადამიანია, როგორ მისცა სტუდენტ გოგონას იმის უფლება, რომ თმის სტილი თავად შეერჩია. ამიტომ გვემხობა თავზე ყველაფერი, ასეთი ოჯახები რომ არსებობს, სადაც „ყველა თავის ჭკუაზე დადის“!
P.S. ამაზე მსჯელობაც არ ღირს... ძალიან მალე მთვარეზე შეიძლება კორპუსები ააშენონ, იაპონიამ სახლები გამოიგონა, მიწისძვრის დროს ჰაერში რომ იწევა... საცობ საწინააღმდეგო ტაქსები დგას რიგში... მეცნიერება წინ მიიწევს...
აქ, ჩვენთან კი, გავძეგლდით და მარტო ის გვაწუხებს, ვის რა აცვია, ვინ სად დადის, ვინ ვისთან წვება, რომ წვება, რატომ წვება... ვიღაც რომ იცინის, რატომ იცინის, ან ამდენი გლოვა რატომ არის საჭირო... თუ ვინმე ბედნიერია, რა აბედნიერებს იმ უბედურს, ტიტანიკი რომ ჩაიძირა, არ იცის?!
დავანებოთ სხვის ცხოვრებას თავი, თორემ ჩვენი ისე ჩაგვიქროლებს, თვალის დახამხამებას ვერ მოვასწრებთ...
ჩვენ ისე ვიცხოვროთ, როგორც გვესმის, სხვა თავად გადაწყვეტს თმის ღერი თეთრი ექნება და იისფერი...
მიყვარხართ!“ - წერს პეტრე კოლხი.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე