(რეზონანსი) ე.წ.სამხრეთ ოსეთის „შეიარაღებული ძალების" სამხედრო სარდლობისა და კონტროლის ორგანოები სასწავლო მიზნით, საბრძოლო რეჟიმშია გადაყვანილი. ამის შესახებ ბრძანება დე ფაქტო რეჟიმის ე.წ. თავდაცვის მინისტრმა გენერალ-ლეიტენანტმა იბრაგიმ გასეევმა გასცა. აღნიშნულ ინფორმაციას „სპუტნიკ-ოსეტია" ავრცელებს.

ე.წ. თავდაცვის ძალების წარმომადგენლის ცნობით, „გადაყვანა განხორციელდა სამხედრო სარდლობისა და კონტროლის ორგანოების ოპერატიული მზაობის შესამოწმებლად სხვადასხვა პირობებში".

გამოცემის ცნობით, ქვედანაყოფებისა და სამსახურების საბრძოლო პოლიგონზე დისლოცირება მოხდება, სადაც ისინი „საბრძოლო-სასწავლო ამოცანებს შეასრულებენ".