პარტია “გამარჯვებული საქართველოს” წევრ გუბაზ სანიკიძეს მისი განცხადებები გაახსენეს, რომელიც მან 2009 წლის აქციებზე, მიხეილ სააკაშვილის შესახებ გააკეთა. ის მაშინდელ პრეზიდენტს მტარვალს, მანიაკს და ავადმყოფს უწოდებდა, ხოლო  დღეს, უკვე ამბობს, რომ სააკაშვილი არის ფიგურა და მოვლენა ქართულ-ევროპულ პოლიტიკაში, მეტიც, მან ყოფილ პრეზიდენტთან შეხვედრაც დაანონსა. ამისათვის სანიკიძე კიევში ჩასვლას და ექსპრეზიდენტთან პოლიტიკურ საკითხებზე მსჯელობას აპირებს.