აშშ-ში, კალიფორნიის შტატის ტყის ხანძრების გამო მილიონობით ადამიანი შესაძლოა ელექტროენერგიის გარეშე დარჩეს.  კომპანია Pacific Gas & Electric-ის განცხადებით, ელექტროენერგიის მიწოდება შესაძლოა 36 ოლქს შეუწყდეს. ამასთან ერთად, ევაკუირებულთა რიცხვმა უკვე 50 ათასს მიაღწია.

ლოს-ანჯელესში და სონომას ოლქში საგანგებო მდგომარეობა გამოცხადდა. ხანძარს 1300 მეხანძრე ებრძვის. ​ცეცხლის გავრცელებას ძლიერი ქარი უწყობს ხელს. სპეციალისტების ცნობით, უქმეებზე ხანძრები გაუარესდება. 

შტატის ჩრდილოეთით მძვინვარე ხანძარი კინკეიდი მაღალი ძაბვის გადამცემ ანძაზე მომხდარი ავარიის გამო გაჩნდა. Pacific Gas & Electric-ში აცხადებენ, რომ ავარიის მიზეზების დასადგენად გამოძიება მიმდინარეობს.