(რეზონანსი) სირიის დემოკრატიული ძალები, რომლის ძირითად ნაწილსაც ქურთი მებრძოლები შეადგენენ, თურქეთის საზღვრიდან 30 კილომეტრის მანძილზე გადაადგილებას დათანხმდნენ. ამის შესახებ Reuters-ი წერს.

გამოცემის ინფორმაციით, დაჯგუფებამ შესაბამისი განცხადება გაავრცელა. „სდძ" ერდოღანის და პუტინის შეთანხმების თანახმად, სისხლისღვრის შესაჩერებლად და მოსახლეობის თურქეთის აგრესიისგან დასაცავად თურქეთის და სირიის საზღვრიდან მოშორებით, ახალ პოზიციებს დაიკავებს", - ნათქვამია განცხადებაში.

თურქეთის და რუსეთის პრეზიდენტების მიერ სოჭში მიღწეული შეთანხმების თანახმად, რუსეთმა სირიის და თურქეთის საზღვრიდან 30-კილომეტრიანი ზონიდან ქურთი მებრძოლების გასვლა უნდა უზრუნველყოს. ამისთვის რუსული შენაერთები სირიის ტერიტორიაზე 23 ოქტომბერს შევიდა, 29 ოქტომბრიდან კი რუსეთი და თურქეთი სირიის ტერიტორიის 10-კილომეტრიან მონაკვეთს ერთად გააკონტროლებენ.