რამდენიმე საათის წინ ვარკეთილში მომხდარი მკვლელობის ფაქტზე, 1996 წელს დაბადებული ერთი პირი დააკავეს. ამის შესახებ ინფორმაციას შინაგან საქმეთა სამინისტროში აცხადებენ. დაკავებულია 23 წლის ახალგაზრდა.

გავრცელებული ინფორმაციით, ვარკეთილში შუახნის მამაკაცი ურთიერთშელაპარაკების ნიადაგზე ცივი იარაღით დაჭრეს. მამაკაცი საავადმყოფოში გადაიყვანეს, თუმცა მისი გადარჩენა ვერ მოხერხდა.

„მძიმედ დაჭრილი მამაკაცი სასწრაფო დახმარების ბრიგადამ, ცოცხალი შეიყვანა ჰოსპიტალში. მას ჭრილობები ბასრი საგნით ჰქონდა მიყენებული. პაციენტი მძიმე მდგომარეობაში იყო, თუმცა გონება არ დაუკარგავს“, - განაცხადესსასწრაფო დახმარების სამსახურში.

პრაიმტაიმი