გუშინ თბილისში, ვარკეთილში ტაქსის მძღოლი მოკლეს. 56 წლის მამაკაცი ურთიერთშელაპარაკების ნიადაგზე ცივი იარაღით დაჭრეს. ეჭვმტანილი 23 წლის ახალგაზრდა დანაშაულის ჩადენის მახლობლად მდებარე ერთ-ერთი კორპუსის ბინაში იმალებოდა. 

"მოხდა საკმაოდ ტრაგიკული ინციდენტი, ტაქსის მძღოლი იქნა მოკლული საკუთარ ავტომობილში. როგორც მეზობლები აცხადებენ, იყო ხმაური. არის რამდენიმე ბავშვი, რომელიც შეესწრო შელაპარაკების ფაქტს“, - განუცხადა "კურიერს" ერთ-ერთმა თვითმხლილველმა, გიორგი ტიგინაშვილმა.

ექიმის განცხადებით, ტაქსის მძღოლი საავადმყოფოში კრიტიკულ მდგომარეობაში შეიყვანეს და რამდენიმე წუთში გარდაიცვალა.