საპარლამენტო უმრავლესობაში პროპორციულ საარჩევნო სისტემაზე გადასვლას მაჟორიტარ დეპუტატთა გარკვეული ნაწილი ეწინააღმდეგება. „ოცნებაში“ კეთდება მინიშნება მათ რაოდენობაზე - დაახლოებით 30 დეპუტატი. გარდა ამისა, როგორც „მეამბოხე“ დეპუტატების, ასევე პარტიის ხემძრვანელობის მხრიდან კეთდება არაორაზროვანი განცხადებები, რომ მათ შესაძლოა საპარლამენტო უმრავლესობა და „ქართული ოცნება“ დატოვონ. 105 კაციანი უმრავლესობიდან 30 დეპუტატის გასვლა კი საპარლამენტო უმრავლესობის ოფიციალურად დაშლასა და საპარლამენტო კრიზისის დაწყებას ნიშნავს.