ქობულეთის მუნიციპალიტეტის სოფელ ხალაში ავარიის შედეგად დაღუპულები დაახლოებით 17 წლის მოზარდი ბიჭები არიან, მათგან ოთხი მეთერთმეტე კლასის მოსწავლეა. ამ დრომდე ბათუმის სამხარაულის ექსპერტიზის ბიუროში გარდაცვლილების იდენტიფიცირება მიმდინარეობდა.

4 გარდაცვლილი ჩაქვის №1 საჯარო სკოლის მოსწავლე, ხოლო ერთი მათგანი ჩაქვის სასულიერო გიმნაზიის მოსწავლე იყო.

"პრაიმტაიმის" ცნობით, გარდაცვლილები არიან: საბა დიასამიძე, ლუკა ზაქარაზე, ნიკა ბეჟანიძე, გიო ფალავანდიშვილი და გიო არძენაძე. თვითმხილველების თქმით, ისინი მანქანით ხრამში 50 მეტრის სიმაღლიდან გადაიჩეხნენ, რის შედეგადაც ხუთივე დაიღუპა.