(რეზონანსი) არჩევნების წელი მოდის და ხელისუფლებამ კბილები დაგვანახა,- ამის შესახებ „ტვ პირველის" დირექტორმა ინგა გრიგოლიამ ტელეკომპანიასთან გამართულ საპროტესტო აქციაზე განაცხადა.

ინგა გრიგოლიას თქმით, ხელისუფლებამ იმ ტელეკომპანიაბესაც უნდა მოსთხოვოს პასუხი, რომლებსაც დიდი დავალიანება აქვს.

„ეს ყველაფერი უკავშირდება თავისუფალი მედიასაშუალებების მიმართ განხორციელებულ შტურმს. 2020 წელი მოდი, არჩევნების წელი და კბილები დაგვანახეს, მაგრამ ეს ჟურნალისტებისთვის არის გაასმაგებული მოტივაცია, ნუ მერე რა?! გავიჭირვებთ რამდენიმე თვე, სამაგიეროდ უფრო მოტივირებულები დაგიბრუნდებით მომავალი წლიდან" - განაცხადა ინგა გრიგოლიამ.

შეგახსენებთ, რომ 25 დეკემბერს ტელეკომპანიების „რუსთავი2"-ის, „ტვ პირველის" და „კავკასიის" ანგარიშებს ინკასო დაედო.