(რეზონანსი) ვაჟა გაფრინდაშვილი პრესკონფერენციაზე ჟურნალისტებთან საუბრისას გათავისუფლების დილას იხსენებს:

"დილით დაახლოებით 10-ის 20 წუთი იყო, დაცვა შემოვიდა, ნახა ნივთები და მკითხა, ყველაფერი შენიაო? კი-მეთქი... უფროსი გეძახის და გაგიშვესო. ბარგიც არ ჩამილაგებია, იქ მქონდა რამდენიმე შოკოლადი, მიწისთხილი და რაღაცები ახალი წლისთვის. ცხადია, იქნებოდა პატარა ზეიმივით და ვფიქრობდი, საერთო სუფრაზე შევიტანდი, ან თუ ადრე გამომიშვებდნენ, ვინმეს დავუტოვებდი."