ოზურგეთში, სოფელ მელექედურში მოკლული 80 წლის ქალის ცხედარს ექსპერტიზა ჩაუტარდა. ოჯახის ინფორმაციით, ცხედარს სახეზე დაზიანებების კვალი აღენიშნება და გაგუდულია.

მეზობლები პირად საუბრებში ეჭვმიტანილად ერთ-ერთ მეზობელს ასახელებენ, რომელიც წარსულში ასევე მეზობლის გაქურდვის ფაქტზე დაკავებული იყო. 

"თუ ვინმე ვნახეთ მაგის გამკეთებელი, ნამდვილად სახალხოდ უნდა დავხვრიტოთ. ერთ-ერთი ვერსიაა, რომ  მეზობელმა გააკეთა ეს. სიცოცხლეც შემძულდა უკვე, ეს როგორ უნდა იკადროს ადამიანმა," - განაცხადა "რუსთავი 2"-თან გარდაცვლილის მეზობელმა ლილი მარტიკოვმა.

მომხდარზე საქმე სისხლის სამართლის კოდექსის ორი მუხლით არის აღძრული. შსს ოზურგეთის მუნიციპალიტეტში მომხდარის შესახებ გავრცელებულ ინფორმაციას ჯერჯერობით არ ადასტურებს. მიმდინარეობს ინტენსიური სამძებრო სამუშაოები.