საარჩევნო სისტემასთან დაკავშირებით, მმართველ პარტიასა და გაერთიანებულ ოპოზიციას შორის გასულ წელს დაწყებული პოლიტიკური ვაჭრობა წელსაც გაგრძელდება. იანვარში დასავლელი შუამავლების მონაწილეობით მხარეების კიდევ ერთი შეხვედრაა დაგეგმილი. ოპოზიციაში მიიჩნევენ, რომ ეს შეხვედრები ხელისუფლების მიერ დადგმული სპექტაკლია, რაც მოჩვენებით დიალოგს უფრო ჰგავს, ვიდრე მცდელობას იმისა, რომ საბოლოოდ შეთანხმება მოხდეს.