(რეზონანსი) ზუგდიდის სოფელ ყულიშკარში სამარშრუტო ტაქსი ამოტრიალდა, რის შედეგადაც ოთხი ადამიანი დაშავდა. დაშავებულები ზუგდიდის რეფერალურ ჰოსპიტალში არიან მოთავსებული.

როგორც "ინტერპრესნიუსს" საავადმყოფოში განუცხადეს, ერთ-ერთ დაშავებულს ოპერაცია უტარდება. მას ქალა-ტვინის ღია ტრავმა აღენიშნება.

რაც შეეხება დანარჩენებს, მათი ჯანმრთელობის მდგომარეობა სტაბილურია და ზედაპირული დაზიანებები აქვთ.

სამარშრუტო ტაქსიში 18-მდე მგზავრი იმყოფებოდა. თვითმხილველების ინფორმაციით, ავტოსაგზაო შემთხვევის მიზეზი დაშვებული საბურავი გახდა.