ხაშურში, წაღვლი-ჩორჩანას ტყეში საოკუპაციო რეჟიმი ტერიტორიას ღობავს. ამის შესახებ ინფორმაცია თავდაპირველად „ძალა ერთობაშიას“ წევრმა დავით ქაცარავამ გაავრცელა. მან ამის ამსახველი ვიდეო კადრები გაასაჯაროვა, სადაც ჩანს ოკუპანტები ტექნიკით როგორ მუშაობენ. აღნიშნული ინფორმაცია კი „რეზონანსს“ სუს-შიც დაუდასტურეს. ქართული პოლიცია კი სამშაბათს სოფელ ბროლოსანთან იყო მობილიზებული და მედიის წარმომადგენლებს ჩორჩანას მიმართულებით გადაადგილების საშუალებას არ აძლევდა.