პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე „რეზონანსთან“ ამბობს, რომ ომბუდსმენის მიერ მის მოხსენებაში წარმოდგენილი ფაქტები პენიტენციურ დაწესებულებებში კრიმინალური სუბკულტურების არსებობის სიმართლეს არ შეესაბამება. მისი განცხადებით, სახელმწიფო სახალხო დამცველის აზრს მაშინ ითვალისწინებს, როდესაც საუბარი რეალურ პრობლემებზეა.
„მგონია, რომ ის, რაზეც იყო ძირითადად აგებული სახალხო დამცველის მიერ წარმოდგენილი ანგარიში, მეტწილად სიმართლეს არ შეესაბამებოდა, განსაკუთრებით იმ ნაწილში, როდესაც ჩვენ ვსაუბრობთ სუბკულტურაზე, რომელიც თითქოს მართავს ციხეებს. ეს ასე ნამდვილად ასე არ არის.
„პარლამენტში ომბუდსმენის მიერ შემოთავაზებული რეკომენდაციების 84% გავითვალისწინეთ. თუმცა ეს რეალურ პრობლემებს უნდა ეხებოდეს და ამ შემთხვევაში მიმაჩნია, რომ ციხეებში ასეთი საგანგაშო მდგომარეობა არ არის“, - განაცხადა სოფო კილაძემ „რეზონანსთან“.