ბათუმში ორ ჩინელ მეზღვაურს კორონავირუსი არ აღმოაჩნდა, ამის შესახებ „რეზონანსი" „დაავადებათა კონტროლის და საზოგადოებრივი ჯანმრთელობის ეროვნული ცენტრის" გენერალურ დირექტორს პაატა იმნაძეს ესაუბრა, მისი თქმით, ორივე მეზღვაური ჯანმრთელი აღმოჩნდა.

მანამდე გავრცელებული ინფორმაციით, ორ ჩინელ მეზღვაურს მწვავე რესპირაციული დაავადებებისთვის დამახასიათებელი ან საეჭვო კლინიკური ნიშნები არ აღენიშნებოდათ, თუმცა ტემპერატურა ჰქონდათ მომატებული. ამიტომ მედიკოსებმა პრევენციისთვის მიიღეს გადაწყვეტილება, რომ ბიოლოგიური მასალის ლაბორატორიული კვლევა ჩატარებულიყო.