(რეზონანსი) რუსეთის საგარეო საქმეთა მინისტრმა სერგეი ლავროვმა დასავლეთს მოუწოდა რუსული საფრთხის ფანტომის კულტივირება შეწყვიტონ:

„ვიდრე არ არის გვიან, დასავლეთმა უარი უნდა თქვას რუსული საფრთხის ფანტომის კულტივირებაზე და გაიხსენოს თუ რა გვაერთიანებს", - აღნიშნა სერგეი ლავროვმა.

მან ხაზგასმით აღნიშნა, რომ ევროპულ საქმეებში ნდობის კრიზისი ძალიან იგრძნობა . „დაძაბულობა, აღმოსავლეთით, ნატოს სამხედრო ინფრასტრუქტურის წინ წაწევა, რუსეთის საზღვრებთან უპრეცედენტოდ მასშტაბური სამხედრო სწავლებების ჩატარება, თავდაცვითი ბიუჯეტების გაზრდა - ყველაფერი ეს არაპროგნოზირებადობას ზრდის, იქმნება ცივი ომის დაპირისპირების სტრუქტურა", - განაცხადა ლავროვმა.