ასტროლოგი ხათუნა ნოელი კორონავირუსზე წერს და საქართველოს ასტროლოგიურ რუკას მიმოიხილავს:

"ძალიან აქტუალური თემაა და ვერც ჩვენ გამოვტოვებთ ამ ახალ ვისრუსზე საუბარს, თუმცა აქედანვე აღვნიშნავ, რომ საგანგაშო აბსოლუტურად არაფერი გვჭირს.

ახლა კი მივუყვეთ და ავხსნათ ეს ასტროლოგიურად:

საქართველოს რუკის ჯანმრთელობის სახლი იწყება ქალწულის ნიშნით. მერკური კი ამ რუკაში მშვილდოსნის ზოდიაქოში ზის, მე-7 სახლში. მერკური მშვილდოსანში გაძევებულად ითვლება, მაგრამ კონკრეტულად ამ რუკაში მის პოზიციას იუპიტერთან შეერთება ამყარებს. მერკურის ამ შეერთების გარდა, კიდევ 1 ასპექტი აქვს, თუმცა ისიც ჰარმონიულია - ტრინი მთვარესთან. მთვარე მუნდეანურ რუკებში ხალხს ნიშნავს; ანუ ზოგადი შეფასებით, ხალხის ფიზიკური ჯანმრთელობა დადებითად შეგვიძლია რომ შევაფასოთ. მეტი ასპექტები მერკურს არ აქვს. დაუზიანებელი და ჯანმრთელია.

ახლა ტრანზიტებში, ვნახოთ, რა ხდება?

ვირუსები ნეპტუნია. ტრანზიტული ნეპტუნი თევზების მე-18 გრადუსს გადის და საქართველოს რუკის მერკურთან, რომელიც მშვილდში, მე-3 გრადუსზე იმყოფება, შეხება აღარ აქვს. ჰქონდა შემოდგომით კვადრატი, რომელიც კაი ხნის დაშლილია და ესე იგი ამ კუთხით არაფერი გვემუქრება.

ახლა სხვა კუთხით ვნახოთ.

მე-12 სახლის მმართველი ჩვენი რუკისთვის კვლავ ნეპტუნია, რომელზეც უკვე ვისაუბრეთ, ხოლო კრიზისების მე-8 სახლის მმართველი - იუპიტერი, რომელსაც ახლა არ სცალია მერკურისთვის, სხვა პლანეტებთან აქვს ასპექტები თხის რქის ზონაში.

მოკლედ, სანერვიულო ისეთი არაფერია, როგორიც პანიკაა აწეული. დამშვიდდით და ინდივიდუალური უსაფრთხოების ზომები დაიცავით. უპირველეს ყოვლისა, ხელები იბანეთ ხშირ-ხშირად".

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე