ადამიანი დაიბადება თუ არა, არის მაჟორიტარი. თქვენ ყველა მაჟორიტარები ხართ - ამის შესახებ განცახდება „ქართული ოცნების" დეპუტატმა ლადო კახაძემ უმრავლესობის სხდომის დაწყებამდე გააკეთა.
„მე მაქვს ასეთი ნათქვამი ხმამაღლა, სატელევიზიო სივრცეშიც, უმრავლესობაშიც და მოსახლეობის დიდმა ნაწილმა ჩემი, როგორც ერთი ადამიანის აზრი იცის. ადამიანი დაიბადება თუ არა, არის მაჟორიტარი. თქვენ ყველა მაჟორიტარები ხართ. ინდივიდები ხართ, მაგრამ მერე, გარკვეული დროის მერე თქვენს ცხოვრებას უკავშირებთ ერთმანეთს, ქმნით საზოგადოებას, ქმნით გუნდს. აი, ეს გუნდი ამაყია თითოეული თქვენგანის შენატანი წვლილით, როგორც ინტელექტუალური, ასევე ბრძოლისუნარიანობით და ბევრი რამით", - განაცხადა ლადო კახაძემ.
„ქართული ოცნების" ცენტრალურ ოფისში უმრავლესობის სხდომა ცოტა ხნის წინ დასრულდა.