„ბარიერი იქნება 0, 1 თუ 2 პროცენტი, დღეს ეს არ არის არსებითი საკითხი. ხელისუფლება ადეკვატურად ვერ აფასებს მოვლენებს და ცდილობს გამოძვრეს შექმნილი ვითარებიდან. ეს არის ხელისუფლების მეშვიდეხარისხოვანი მცდელობა", - ასე ეხმაურება საარჩევნო ბარიერთან დაკავშირებით ხელისუფლების მიერ ოპოზიციისადმი ახალ შეთავაზებას „რესპულიკური პარტიის" ერთ-ერთი ლიდერი დავით ბერძენიშვილი.

ხელისუფლება თანახმაა, თუ ოპოზიცია ბარიერის პროცენტთან დაკავშირებთი შეთანხმდება, ოპონენტების გადაწყვტილების შესაბამისი ჩანაწერი შეიტანონ ნორმაში.

„ოპოზიციამ თავითონ გადაწყვიტოს რამდენი პროცენტი უნდათ და სწორედ ეს ჩაიწერება შესაბამის ნორმაში", - აცხადებს უმრავლესობის წევრი, პარლამენტის ვიცე-სპიკერი მამუკა მდინარაძე.

„დღეს არსებითი საკითხი არ არის ბარიერი. ბარიერი იქნება 0, 1, თუ 2 პროცენტი, დღეს მთავარი არის ორი საკითხი 40% იყოს 40%, ყოველგვარი ჩამკეტი მექანიზმებით და შეწყდეს პოლიტიკური რეპრესიები. ამას ეუბნებათ ადამ კიზინგერიც. ხელისუფლება ადეკვატურად ვერ აფასებს მოვლენებს და ცდილობს გამოძვრეს შექმნილი ვთიარებიდან. ეს არის ხელისუფლების მეშვიდეხარისხოვანი მცდელობა", - განაცხადა „რეზონანსთან" დავით ბერძენიშვილმა.