კორონავირუსით ინფიცირებას ვერც ნატოს შტაბბინა გადაურჩა: ნატოს ვებგვრედზე გამოქვეყნებული ინფორმაციის თანახმად, ბრიუსელის ოფისის თანამშრომელი, რომელიც იტალიიდან დაბრუნდა და ვირუსზე შემოწმდა, ინფიცირებული აღმოჩნდა.

„დადებითი პასუხის მიღებისთანავე ინფორმაცია კოლეგებს ეცნობა. გასული კვირის ბოლოდან ისინი სახლიდან მუშაობენ და მომავალშიც ასე გააგრძელებენ. ნატო-ს შტაბბინაში თანამშრომლები უკვე ინფორმირებულნი არიან. ნატო განაგრძობს დაკვირვებას მდგომარეობაზე და მიიღებს აუცილებელ ზომებს მოვლენების განვითარების შესაბამისად" - ნათქვამია განცხადებაში.