Reuters-ის ინფორმაციით, გერმანიის კანცლერმა ანგელა მერკელმა დღეს გამართულ კონფერენციაზე განაცხადა, რომ ქვეყნის მოსახლეობის 70%-მდე შეიძლება კორონავირუსით ინფიცირდეს.

"როდესაც მოსახლეობას არ აქვს იმუნიტეტი ამ ვირუსის მიმართ და ის ვრცელდება, მაშინ 60%-70% შეიძლება იყოს ამ ვირუსით ინფიცირებული", - თქვა მან.

მერკელის განცხადებით, არსებულ ვითარებაში უფრო მნიშვნელოვანი ვირუსის შემდგომი გავრცელებისთვის წინააღმდეგობის გაწევაა.

გერმანიაში კორონავირუსის 1,296 შემთხვევა არის გამოვლენილი; 2 ადამიანი გარდაიცვალა.