"დღეს სასამართლო ხელისუფლების მიმართ ბევრი საყვედური ითქმის როგორც ქვეყნის შიგნით, ისე ქვეყნის ფარგლებს გარეთ, რაც პირადად ჩემთვის, როგორც სამართლის სპეციალისტისთვის ძალიან საწყენია. ყოველთვის მიმაჩნდა, რომ სახელმწიფოში სასამართლო ხელისუფლება გამორჩეული უნდა იყოს თავისი ობიექტურობით და სამართლიანობით და ხელისუფლების შტოებს შორის, თუ ვინმეს უნდა ჰქონდეს საზოგადოების მხრიდან ყველაზე მაღალი ხარისხის ნდობა, ეს არის სასამართლო ხელისუფლება" - ასე ეხმაურება ტექნიკური უნივერსიტეტის სპიკერი, პროფესორი ჯემალ გახოკიძე პარლამენტის მიერ უზენაესი სასამართლოს თავმჯდომარის დამტკიცებას.