ესპანეთის ჯანდაცვის სამინისტროს მონაცემებით, ქვეყანაში ბოლო დღე-ღამის მანძილზე კორონავირუსით 619 ადამიანი გარდაიცვალა, რაც 109-ით მეტია შაბათის მონაცემთან შედარებით. ამგვარად, ესპანეთში გარდაცვლილთა საერთო რაოდენობამ 16 972 შეადგინა.

ქვეყანაში ბოლო 24 საათში ინფიცირების 4 167 ახალი შემთხვევა გამოვლინდა, რითაც დაავადებულთა საერთო ოდენობამ ესპანეთში 166 019-ს მიაღწია.

ქვეყანაში ვირუსისგან 62,391 ადამიანი განიკურნა.

ესპანეთი მსოფლიოში ინფიცირებულთა რაოდენობით, აშშ-ის შემდეგ, მეორე ადგილზეა.