წყონდიდის ყოფილმა მიტროპოლიტმა, მეუფე პეტრემ სააღდგომო წირვასთან დაკავშირებით, ხელისუფლების პოზიციაზე ისაუბრა.

მისი თქმით, ხელისუფლებამ თვალი დახუჭა, რომ თითქოს ეკლესიაში 9 საათამდე მისული მრევლი კანონს არ დაარღვევს.

"ხელისუფლებამ თითქოს კომპრომისული ვარიანტი, მაგრამ უგუნური გადაწყვეტილება მიიღო, რომ სირაქლემას მდგომარეობაში, თვალები თვითონ დაიფარა ან დახუჭა. თითქოს 9 საათამდე მისული ადამიანი კანონს არ დაარღვევს. 9 საათიდან დილის 6 საათამდე. ელემენტარულად, რომელია იმ სიწმინდისა და სულიერების მატარებელი, რომ ბიოლოგიური მოთხოვნილებებმა არ შეაწუხოს",- თქვა მეუფე პეტრემ.