სწორი მენეჯმენტი რომ არა, პიკს უფრო ვიგრძნობდით და გვექნებოდა გარკვეული აფეთქება, - ამის შესახებ საპარლამენტო უმრავლესობის ლიდერმა მამუკა მდინარაძემ განაცხადა.
მისი განცხადებით, ხელისუფლება აძლევს თავს უფლებას შეზღუდვების მოხსნა დაიწყოს, თუმცა ამას მოსახლეობამაც უნდა შეუწყოს ხელი.
არსებული დინამიკა ამ გადაწყვეტილების მიღების საშუალებას იძლევა.
საპარლამენტო უმრავლესობის ლიდერმა აღნიშნა, რომ ამ ბრძოლაში ხელისუფლება საზოგადოების მონაწილეობის გარეშე შედეგს ვერ მიაღწევდა.
„მაღალი სანქციები არის იმისათვის, რომ პრევენცია მოხდეს. ამან შედეგი გამოიღო. რომ არა სწორი გადაწტვეტილებები დღეს მართლაც აფეთქება გვექნებოდა, სააღდგომო დღეებიდან გამომდინარე. არ გვაქვს ის მზარდი დინამიკა, რომელიც კატასტროფულ შედეგებს მოიტანდა", - აღნიშნა მამუკა მდინარაძემ.