კორონავირუსის პანდემიის გამო, 10-დან 17 მაისამდე ცხინვალი რუსეთთან საზღვარს მთლიანად ხურავს. აიკრძალება როგორც მოქალაქეების, ისე მანქანების მოძრაობა.

ე.წ. პრეზიდენტის ანატოლი ბიბილოვის თქმით, „რესპუბლიკას" ესაჭიროება დრო, რათა კარანტინში მოათავსოს, გამოიკვლიოს და აღმოუჩინოს სათანადო დახმარება „მოქალაქეებს", მათ შორის სამხედრო უმაღლესი სასწავლებლების კურსანტების დიდ ჯგუფს, რომლებიც რუსეთში სწავლობენ.

შეგახსენებთ, რომ დღეს ცხინვალში კორონავირუსის ინფექციის სამი შემთხვევა გამოვლინდა.