მთავარი ეპიდემიოლოგი არის ქალბატონი, რომელიც არ ჩანს ხოლმე ხშირად, ეს არის ხათუნა ზახაშვილი - განაცხადა დაავადებათა კონტროლის ცენტრის ხელმძღვანელმა ამირან გამყრელიძემ ტვ პირველის ეთერში.

„მე არ ვარ განათლებით ეპიდემიოლოგი. მე ვხელმძღვანელობ ამ ინსტიტუტს უკვე 7 წელია. ეს ერთ-ერთი მნიშვნელოვანი წლებია ჩემს ცხოვრებაში. პაატა იმნაძე და ამირან გამყრელიძე რჩევებს იღებენ ხათუნასგან. დილას რომ მოვდივარ ხათუნას ვეკითხები: ხათუნა დღეს რა უნდა გავაკეთოთ ერთად?! რა თქმა უნდა, უზარმაზარი დამსახურებაა ამ ქალბატონის და ის არის მთავარი ეპიდემიოლოგი ქვეყანაში,"- განაცხადა ამირან გამყრელიძემ.