21 ივნისის საკონსტიტუციო ცვლილებებზე პირველი მოსმენით კენჭისყრამ აჩვენა, რომ საჭირო 113 ხმის მობილიზება პარლამენტში „ევროპული საქართველოსა" და ნაციონალური მოძრაობის" მონაწილეობის გარეშეც შესაძლებელია. თუმცა, ვითარება ისეთია, რომ თუკი მეორე და მესამე მოსმენას „ნაცმოძრაობამ" და „ევროპულმა საქართველომ" დაპირებისამებრ ბოიკოტი გამოუცხადეს, ცვლილებების გასატანად პარლამენტის დანარჩენ წევრთა პრაქტიკულად 100%-იანი დასწრება იქნება საჭირო და კენჭისყრისას სხდომათა დარბაზში კანონპროექტის მომხრე 5 ან მეტი დეპუტატის არყოფნამ შეიძლება ცვლილების ჩავარდნა გამოიწვიოს.