„ბესელიას გადადგომა შიდაპარტიულ პროცესებს უკავშირდება და პარტიის შიგნით გარკვეული უთანხმოება კი - საკვანძო საკითხებს. სავარაუდოდ, ერთ-ერთი მიზეზი შეიძლება სწორედ ეს ყოფილიყო. ასევე, არ არის გამორციხული გარკვეული პიროვნული დაპირისპირების ფაქტორიც," - აღნიშნა ანალიტიკოსმა ზაალ ანჯაფარიძემ „რეზონანსთან" საუბრისას.

"ეს არის ბიძინა ივანიშვილის საახალწლო საჩუქარი საქართველოს მოსახლეობას, ამ კაცს რა სიბინძურეც დარჩა საქართველოში გასაკეთებელი, ანუ საბოლოოდ, ქართული სამართლის დაღუპვას, განადგურებას მიჰყო ხელი," - ასე უპასუხა იურისტმა, ზაზა ხატიაშვილმა უზენაესი სასამართლოს მოსამართლეთა კანდიდატებთან დაკავშირებით დასმულ კითხვას.

სირიაში 14 წლის მოზარდი, პანკისელი მუხმად ფარეულიძე დაიღუპა, რომლის ოჯახიც სირიაში ჯერ კიდევ 2014 წლიდანაა წასული. ეს უკვე 32 დაღუპულია პანკისიდან სირიის საომარ მოქმედებების დროს.

სულ საქართველოს რამდენი მოქალაქეა გარდაცვლილი სირიის ომში ისლამისტების მხარეს ბრძოლისას, ზუსტი რაოდენობა ცნობილი არ არის.

"ხელისუფლება არის ცაიტნოტში, მას ცოტა დრო აქვს, ხელშესახები შედეგი დადოს. თუ სიტუაცია, განსაკუთრებით პოლიტიკური, იმავე ჭრილში ჩაჯდა, რაც დღეს გვაქვს, წინ კარგი არაფერი ელის" - აცხადებს ექსპერტი და ანალიტიკოსი დემურ გიორხელიძე, რომელსაც "რეზონანსი" მიმდინარე წლის პოლიტიკურ შედეგებსა და 2019 წლის პერსპექტივებზე ესაუბრა.

დაუჭერს თუ არა საქართველო  უკრაინის ეკლესიისთვის  ავტოკეფალიის მინიჭების საკითხს მხარს, კვლავ უცნობია. თუმცა სინოდის სხდომიდან გამოსული მეუფეების განცხადებებიდან გამოჩნდა, რომ ამ გადაწყვეტილებას საბოლოოდ საპატრიაქრო მას შემდეგ გამოაცხადებს, როდესაც  მსოფლიო პატრიარქის დადგენილება გამოქვეყნდება. სავარაუდოდ, ეს დადგენილება უკვე 6 იანვარს უნდა იყოს მიღებული, რის შემდეგაც ჩვენი ეკლესიის პოზიციაც გამოცხადდება.

არის თუ არა მმართველ გუნდში განხეთქილება? ამ კითხვაზე პასუხის მისაღებად "რეზონანსი" პოლიტოლოგს გია ხუხაშვილს დაუკავშირდა. მისი თქმით, გუნდის წევრებს უბრალოდ ერთმანეთი არ უყვართ და "ქართული ოცნების" დაშლაზე კი საუბარი არასერიოზულია.

„პარლამენტის კულუარებში ყველამ იცოდა, რომ ბესელიას იურიდული კომიტეტის თანამდბებობიდან ათავისუფლებდნენ და ის, რომ მის ადგილას ანრი ოხანაშვილს ნიშნავდნენ, ოფიციალურადაც ერთი თვის გახმაურდა. ეს საკითხი, ფაქტობრივად, ივანიშვილთან იყო შეთანხმებული და ეს საპარლამენტო კულვარებში ყველამ იცოდა. იმასაც ამბობდნენ, რომ მას პარლამენტში მეშვიდე ვიცე-სპიკერის თანამებობაზე გადაიყვანენ," - „ნაციონალური მოძრაობის" წევრი რომან გოცირიძე „რეზონანსთან" საუბრისას აცხადებს.

მას შემდეგ, რაც იუსტიციის უმაღლესმა საბჭომ უზენაეს სასამართლოში წარსადგენ მოსამართლეთა 10 კანდიდატურა დაასახელა, მოსამართლეობის კანდიდატების ირგვლივ დაპირისპირება და უკმაყოფილება გრძელდება.

აფხაზეთის ე.წ. საპრეზიდენტო არჩევნებში, რომელიც 2019 წლის აგვისტოს ბოლოს არის დაგეგმლი, ექსპერტთა ვარაუდით, ამ თანამდებობას მეორე ვადით ისევ რაულ ხაჯიმბა დაიკავებს, თუმცა არ გამორიცხავენ, რომ ე.წ. აფხაზეთის პოლიტიკურ სივრცეში, სხვა პრეტენდენტებიც გამოჩნდნენ, რომლებსაც ქვეყნის სოციალურ-ეკონომიკური კრიზისიდან გამოყვანის პრეტენზია ექნებათ. მათ შორის ერთ-ერთი, ვინც მოქმედ ე.წ. პრეზიდენტს შეიძლება დაუპირისპირდეს, მოძრაობის - "ქალები პოლიტიკაში" დამფუძნებელი ირინა აგრბაა, რომელიც წლებია, ხაჯიმბას ოპონენტია.

სასოფლო-სამეურნეო მიწის შესყიდვას უცხოელები გაზაფხულიდან შეძლებენ. საუბარია გამონაკლის წესზე, რომელსაც ახალი კონსტიტუცია ითვალისწინებს. კანონის პროექტზე პარლამენტი მუშაობს და სწორედ მათ უნდა დაადგინონ, ვინ აღმოჩნდება იმ კატეგორიაში, ვისაც, საკონსტიტუციო ჩანაწერის თანახმად, მიწის შესყიდვა შეეძლება.

გაზის ტარიფი, მინიმუმ, 1 წლით, ფაქტობრივად, უცვლელი დარჩა. ენერგეტიკისა და წყალმომარაგების მარეგულირებლის გადაწყვეტილებით, სამომხმარებლო გაზის ღირებულება დედაქალაქში 0.014 თეთრით შემცირდა. რაც შეეხება კომერციული გაზის ტარიფს, ის დერეგულირებულია და სემეკი არ განსაზღვრავს. "ოცნების" უმრავლესობაში ამბობენ, რომ 2020 წლისათვის ტარიფის სუბსიდირება მოხდება სოციალურად დაუცველთათვის, მანამდე კი მთელი ქვეყნის მოსახლეობისთვის გადასახადი სახელმწიფომ დააბალანსა.

პირველი იანვრიდან პენსია 200 ლარი გახდება. მიუხედავად იმისა, რომ 2019 წლიდან პენსიონერებს 20 ლარით მეტი დაერიცხებათ, ეს მატება არ არის რეალური. 2016 წელს 170 ლარად იმავე პროდუქციის ყიდვა შეიძლებოდა, რისიც გაისად 200 ლარად იქნება შესაძლებელი.