საქართველოს პრეზიდენტმა გიორგი მარგველაშვილმა ე.წ "კაბელების საქმეზე" მსჯავრდებულები, თავდაცვის სამინისტროს ყოფილი მაღალჩინოსნები შეიწყალა.

საპარლამენტო ფრაქცია "ქართული ოცნების" თავმჯდომარის, მამუკა მდინარაძის განცხადებით, პროპორციულ საარჩევნო სისტემაზე გადასვლასთან დაკავშირებით მმართველ გუნდში აზრთა სხვადასხვაობაა. მმართველი გუნდი არ აპირებს საკონსტიტუციო კომისიის წინაშე წინასწარ შეჯერებული პოზიციით წარსდგეს.

"თავისუფალი დემოკრატების" ერთ-ერთი ლიდერის შალვა შავგულიძის თქმით, კაბელების საქმეზე სააპელაციო სასამართლოს გადაწყვეტილება ისეთივე პოლიტიკურია, როგორიც პირველი ინსტანციის სასამართლოს გადაწყვეტილება იყო.

24 იანვარს, ევროსაბჭოს საპარლამენტო ასამბლეის კომიტეტმა ჩააგდო საქართველოდან წარდგენილი ადამიანის უფლებათა ევროპული სასამართლოს მოსამართლეობის კანდიდატები. მოსამართლეების სია თავიდან არის წარსადგენი. კონკურსი აპრილამდე ხელახლა უნდა ჩატარდეს.

ექსპრეზიდენტ მიხელ სააკაშვილის განცხადებით, ეჭვს აღარ იწვევს ის ფაქტი, რომ საქართველოს მთავრობამ რუსეთს მთელი ინფორმაცია გადასცა ჩვენ მებრძოლებზე.

ფრაქცია "ქართულმა ოცნებამ" პარლამენტის კვოტით საკონსტიტუციო სასამართლოში მოსამართლის თანამდებობაზე მანანა კობახიძე დაასახელა.

"შევთანხმდით იმაზე, რომ პარლამენტი თბილისში იმუშავებს და აქ გადმოვა", - ამის შესახებ ფრაქცია "საქართველოს პატრიოტების" წევრმა ადა მარშანიამ საკონსტიტუციო კომისიის ფარგლებში შექმნილი სასამართლოსა და ადამიანის უფლებებზე მომუშავე სამუშო ჯგუფის შეხვედრის მიმდინარეობისას განაცხადა.

ვენეციის კომისიის პრეზიდენტმა შეხვედრა არასამთავრობო სექტორის იმ წარმომადგენლებთან გამართა, რომლებიც საკონსტიტუციო კომისიის მუშაობაში არიან ჩართულნი. "სია"-ს თავმჯდომარის ინფორმაციით, შეხვედრაში მონაწილე მხარეებს შორის შედგა კონსენსუსი საკითხზე, რომ არ არსებობს არგუმენტირებული მიზეზი იმის, თუ რატომ უნდა შეიცვალოს პრეზიდენტის არჩევის წესი.

თუ ჩვენი სტრატეგიული პარტნიორი აზერბაიჯანი და კომპანია "სოკარი" საკმარის გაზს მოგვაწვდის, რუსეთზე დამოკიდებულების ხარისხი იქნება ნული, - ამის შესახებ ეკონომიკისა და მდგრადი განვითარების მინისტრმა გიორგი გახარიამ ჟურნალისტებს, "გაზპრომთან" გაფორმებული ახალი ხელშეკრულების შეფასებისას განუცხადა.

საყოველთაო ჯანდაცვის პროგრამას შესაძლოა 10-მდე კლინიკა გამოეთიშოს. აღნიშნულის შესაძლებლობა შრომის, ჯანმრთელობისა და სოციალური დაცვის მინისტრმა საქართველოს წამყვანი კლინიკების ხელმძღვანელებთან შეხვედრაზე არ გამორიცხა, რომელზეც საყოველთაო ჯანდაცვის პროგრამის ფარგლებში კლინიკების მხრიდან გამოვლენილ ხარვეზებზე ისაუბრა.

კოალიცია ევრო-ატლანტიკური საქართველოსთვის ეხმაურება 2017 წლის 11 იანვარს გავრცელებულ ინფორმაციას საქართველოს მთავრობის მიერ მიღებული გადაწყვეტილების შესახებ, დათანხმდეს გაზპრომის პირობებს და ტრანზიტით გატარებული ბუნებრივი აირის საფასური მიიღოს ფულადი და არა აირის სახით, როგორც ეს აქამდე ხდებოდა.

საპარლამენტო უმრავლესობის ლიდერი გია ვოლსკი "ნაციონალური მოძრაობიდან" გარკვეული პოლიტიკური ჯგუფის გამოყოფას ეხმაურება და აცხადებს, რომ ახალ გუნდთან მუშაობა შეუძლებელი იქნება, ვიდრე ისინი არ გასცემენ ძალიან მძიმე კითხვებს პასუხს.